煲粥綿滑的秘訣
以下乃是參考自江獻珠女士的做法,簡單易記,只要留意幾個細節(溝米、浸米、火候、時間),便可輕易煲出靚粥。
作者: Adhocflavor.com
- 米一嘜 最好長短粳兩溝,即一半泰國米一半日本米
- 生油一茶匙
- 鹽半茶匙
- 瑤柱三粒
- 果皮一塊
- 水 與米比例為1比18,可自行略為加減
洗米,然後混合米、生油和鹽,加少許水浸過米面,浸隔晚最佳(或起碼1小時)。
瑤柱浸軟撕成細絲、果皮浸軟去白色囊。
果皮及水大火煲滾。加入米和瑤柱,繼續大火打開蓋煲20分鐘,然後用手動拂蛋器攪拌一下。
轉中火再煲20分鐘。然後蓋上煲蓋,轉小火再煲20分鐘至綿。
粥煲好後,下鹽調味便可供食。